Lavur da notg temporara e permanenta
Ins discurra da lavur da notg temporara, sch'i sa tracta d'engaschaments determinads d'ina durada da maximalmain 6 mais per engaschament.
Da lavur da notg permanenta discurran ins, sch'ella surpassa il temp numnà qua survart. Resguardai per plaschair che la lavur da notg, che sa cumpona per la medema raschun d’engaschaments regulars che sa repetan durant plirs onns, vala er sco lavur da notg permanenta.
Dumandar ina permissiun
Lavur da notg temporara
Lavur da notg permanenta
Lavur da dumengia temporara e permanenta
Ins discurra da lavur da dumengia temporara, sch’i sa tracta d'engaschaments determinads d'ina durada da maximalmain 6 mais. La lavur durant in firà uffizial vala er sco lavur da dumengia.
Da lavur da dumengia permanenta discurran ins, sch’ella surpassa questa limita. Resguardai per plaschair che la lavur da dumengia, che sa cumpona per la medema raschun d’engaschaments regulars che sa repetan durant plirs onns, vala er sco lavur da dumengia permanenta.
Dumandar ina permissiun
Lavur da dumengia temporara
Lavur da dumengia d'ina durada da fin tschintg uras sto vegnir cumpensada entaifer quatter emnas tras temp liber da la medema durada.
Sche la lavur da dumengia dura pli ditg che tschintg uras, sto vegnir concedì per l’emna precedenta u suandanta in di da paus d'almain 24 uras successivas (supplementarmain al temp da paus quotidian, vul dir supplementarmain al temp da paus tranter dus dis da lavur, che sto importar almain 11 uras; en tut sto la cumpensaziun pia importar 35 uras).
Lavur da dumengia permanenta
Lavur da dumengia d'ina durada da fin tschintg uras sto vegnir cumpensada entaifer quatter emnas tras temp liber da la medema durada.
Sche la lavur da dumengia dura pli ditg che tschintg uras, sto vegnir concedì per l’emna precedenta u per l'emna suandanta in di da paus d'almain 24 uras successivas (supplementarmain al temp da paus quotidian, vul dir supplementarmain al temp da paus tranter dus dis da lavur, che sto importar almain 11 uras; en tut sto la cumpensaziun pia importar 35 uras).