Professiuns betg reglamentadas
En Svizra datti uschenumnadas professiuns reglamentadas e professiuns betg reglamentadas. Sche Vossa professiun n'è betg reglamentada, dastga da princip mintga persuna pratitgar ella. Vus na stuais perquai betg laschar renconuscher Voss diplom ester. En blers cas pudais Vus dentant laschar emetter in'uschenumnada attestaziun da nivel per diploms da scolas autas da l'exteriur. Quella po augmentar Vossas schanzas sin il martgà da lavur svizzer.
Exempels per professiuns betg reglamentadas èn chemicista u actur.
Professiuns reglamentadas – renconuschientscha
Sche Vossa professiun è reglamentada, contactai l'autoritad cumpetenta per la renconuschientscha dal diplom. Exempels per professiuns reglamentadas èn media u taxist.
Procedura d'annunzia accelerada
Vus essas burgaisa u burgais d'in stadi da la UE u da la AECL e vulais furnir servetschs durant maximalmain 90 dis per onn en Svizra. Alura profitais Vus da la procedura d'annunzia accelerada e pudais uschia laschar renconuscher Voss diplom ester.
Vulais Vus studegiar u far ina furmaziun supplementara en Svizra? As annunziai en quest cas il meglier a temp tar l'universitad u la scol'auta, nua che Vus vulais studegiar. Ellas decidan en il rom da la procedura d'annunzia u d'admissiun, sch'ellas renconuschan Vossa maturitad estra u Voss abitur.
Professiuns reglamentadas che basegnan ina renconuschientscha
Attestaziun da nivel/valitaziun per diploms da scolas autas da l'exteriur
Posts cumpetents per la renconuschientscha da diploms esters
Renconuschientscha da diploms esters en il sectur da sanadad – la Crusch Cotschna gida
Infurmaziuns davart la scolaziun en Svizra, particularmain per Svizras e Svizzers a l'exteriur