Il formular da dumonda correspundent survegnis Vus tar l'uffizi chantunal per il traffic sin via u tar il post da la polizia chantunala.
Sch'il certificat original pers vala anc, dastga in duplicat vegnir emess mo sin basa d'ina dumonda suttascritta persunalmain da la possessura u dal possessur dal vehichel. Il duplicat vegn consegnà unicamain a la possessura u al possessur dal vehichel (persunalmain u per posta).
Ils custs dal duplicat varieschan da chantun a chantun. As infurmai per plaschair tar l'uffizi per il traffic sin via da Voss chantun da domicil.