Sche Vus avais pers il document dal vehichel u sch'el As è vegnì engulà, pudais Vus dumandar in document substitutiv. Quest uschenumnà duplicat po dumandar mo la possessura u il possessur dal vehichel.
Dumandar per in duplicat
Tar l'Uffizi per il traffic sin via pudais Vus empustar in duplicat:
Uffizi per il traffic sin via da Voss chantun.
Dar enavos in duplicat
Sche Vus chattais puspè il document dal vehichel original, alura purtai u tramettai enavos il duplicat a l'Uffizi per il traffic sin via.
Custs
In nov document dal vehichel custa tut tenor il chantun 25 fin 50 francs. As infurmai per plaschair tar l'Uffizi per il traffic sin via da Voss chantun.
Sche Vus avais ina nova adressa u sche Voss num è sa midà, annunziai quai a l'Uffizi per il traffic sin via entaifer 14 dis. Alura vegn Voss document dal vehichel midà u remplazzà.
Il document dal vehichel pudais Vus dumandar tar l'Uffizi per il traffic sin via. Per quest intent duvrais Vus intgins documents. Sco Vus procedis il meglier, vegnis Vus a savair qua: Numer da l'auto e document dal vehichel da l'Uffizi per il traffic sin via.
Sche Vus avais ulteriuras dumondas davart il document dal vehichel, alura contactai per plaschair l'Uffizi per il traffic sin via da Voss chantun.