Vus pudais er laschar vid il cedel da votar, quai vul dir, na scriver si nagut. Sin plaun federal vegnan ils cedels da votar vids quintads, registrads separadamain e resguardads per calcular la participaziun a la votaziun.
Ils cedels vids n'han nagina influenza, schebain in project da votaziun federal vegn acceptà u refusà. Tgi che dat giu in cedel vid, surlascha pia la decisiun a las persunas che vuschan «gea» u «na».