VoteInfo unescha tut las infurmaziuns davart las votaziuns uffizialas da Confederaziun, da chantuns e da vischnancas. L'app è svelta, simpla e fidada. Avant las votaziuns chattais Vus explicaziuns e videos explicativs dal Cussegl federal sco er da las autoritads chantunalas e communalas. Persequitai la dumengia da votaziun a partir da las 12.00 cuntinuadamain ils resultats intermediars actualisads. U As laschai infurmar per messadi da push immediatamain davart ils resultats finals uffizials.
VoteInfo As serva er tar las elecziuns federalas dals 22 d'october 2023. Chattai las infurmaziuns las pli impurtantas davart il parlament, las candidatas ed ils candidats sco er las reglas che valan a chaschun da l'elecziun. Ils 22 d'october 2023 As furnescha VoteInfo ultra da quai ils nums da las persunas ch'èn vegnidas elegidas en il Cussegl naziunal ed en il Cussegl dals chantuns.