Las autoritads svizras online

directamain tar il cuntegn

Persunas che n'èn betg burgaisas d'in stadi da la UE/AECL en Svizra: Duvrain nus in visum?

La cunvegna da Schengen ha consequenzas per il traffic da persunas. Persunas estras da stadis ordaifer la UE e la AECL che han ina da las suandantas permissiuns na dovran betg in visum per visitar fin a 90 dis il territori da Schengen*:

  • legitimaziun da persunas estras B (permissiun da dimora)
  • legitimaziun da persunas estras C (permissiun da domicil)
  • legitimaziun da persunas estras L (permissiun da dimora curta)
  • legitimaziun da persunas estras Ci (permissiun da dimora cun activitad da gudogn)
  • cartas da legitimaziun dal Departament federal d'affars exteriurs (DFAE)

Ellas ston dentant purtar cun sai lur permissiun ed in document da viadi valaivel.

Vus avais la legitimaziun F, N u S

Sche Vus possedais la legitimaziun F, N u S, na dastgais Vus betg surpassar il cunfin. En cas excepziunals dat Secretariat da stadi per migraziun (SEM) ina permissiun per viadis a l'exteriur ed emetta per Vus ils documents da viadi necessaris.

*Actualmain fan ils suandants 26 stadis part da la Cunvegna da Schengen:
Austria, Belgia, Danemarc, Estonia, Finlanda, Frantscha, Germania, Grezia, Islanda, Italia, Lettonia, Lituania, Luxemburg, Malta, Norvegia, Pajais Bass, Pologna, Portugal, Principadi da Liechtenstein, Slovachia, Slovenia, Spagna, Svezia, Republica tscheca, Ungaria e Svizra.