Las autoritads svizras online

directamain tar il cuntegn

Co survegn jau in visum per entrar en Svizra?

Tut tenor il pajais d'origin duvrais Vus in visum per entrar en Svizra.

Controllai a maun da la glista qua sutvart, sche Vus stuais preschentar in visum per entrar en Svizra.

Glista dals documents da viadi renconuschids ed obligaziun d'avair in visum tenor pajais

Formular per dumandar in visum

Tar il formular per dumandar in visum distinguan ins tranter

  • il formular da dumonda C (er numnà visum da Schengen) – per dimoras fin a maximalmain 90 dis entaifer 180 dis en tut il territori da Schengen (turissem, visitas). En cas d'ina dimora cun activitad da gudogn è necessaria supplementarmain ina permissiun da lavur.
  • il formular da dumonda per in visum naziunal D – per dimoras da passa 90 dis (activitad da gudogn, reuniun da la famiglia).

Il formular da dumonda correspundent pudais Vus retrair tar las represchentanzas svizras a l'exteriur u telechargiar qua.

La dumonda emplenida inoltrais Vus per plaschair a la represchentanza svizra a l'exteriur. Inoltrai Vossa dumonda a temp, tut tenor la stagiun dura la procedura tranter 6 ed 8 emnas, excepziunalmain er pli ditg. Ils custs per in visum importan 60 euros plus eventualas spesas d'elavuraziun.

Inoltrar in visum a moda electronica

Vus avais er la pussaivladad d’inoltrar in visum a moda electronica. Qua chattais Vus dapli infurmaziuns sin il portal svizzer da visums www.swiss-visa.ch:

Ulteriuras respostas a dumondas concernent la procedura da visum chattais Vus en las FAQ (dumondas frequentas) dal Secretariat da stadi per migraziun