Las autoritads svizras online

directamain tar il cuntegn

Tgira d'uffants malsauns

Sche Vus preschentais in attest dal medi, sto Voss patrun As metter a disposiziun fin a 3 dis per tgirar Voss uffant malsaun. Quai vala pro cas da malsogna.

Ils geniturs èn dentant obligads da tschertgar soluziuns alternativas (p.ex. laschar tgirar l'uffant tras parents u enconuschents). Questa obligaziun na vala betg, sche la preschientscha dals geniturs è necessaria, p.ex. sch'in poppin è vegnì grevamain malsaun. Tut tenor il gener da la malsogna pon persunas emploiadas vegnir dispensadas er pli ditg da la lavur. Il patrun sto pajar la paja durant in temp limità.

Sch'ins na po betg revegnir a parents ed ad enconuschents per laschar tgirar ils uffants malsauns, pon ins sa volver al servetsch da tgira d'uffants da la Crusch cotschna svizra. La Crusch cotschna trametta a chasa ina persuna che guarda dad uffants fin 12 onns.

Tgira d'uffants a chasa