Las autoritads svizras online

directamain tar il cuntegn

Stipendis ed emprests da daners per la scolaziun

Chantuns, fundaziuns e fonds privats pon sustegnair finanzialmain persunas en scolaziun.

Studentas e students svizzers sco er persunas en scolaziun pon dumandar contribuziuns da sustegn unicas u periodicas per lur scolaziun. I vegn differenzià tranter stipendis, che na ston betg vegnir pajads enavos, ed emprests, che ston vegnir pajads enavos.

Finanziar la scolaziun e la furmaziun supplementara

Posts chantunals da stipendis

Ils posts da stipendis chantunals èn responsabels per las dumondas davart la finanziaziun da la scolaziun. Ultra da quai disponan els d’adressas da fundaziuns e da fonds privats che porschan sustegn finanzial.

Stipendis federals excellents per perscrutadras e perscrutaders esters e per artistas ed artists esters

La Confederaziun conceda stipendis a perscrutadras e perscrutaders da l’exteriur che han terminà in studi da master u da doctorat ed ad artistas ed artists da l’exteriur che han terminà in studi da bachelor. Ina dumonda correspundenta po vegnir inoltrada tar il Secretariat da stadi per furmaziun, retschertga ed innovaziun SEFRI.