Las autoritads svizras online

directamain tar il cuntegn

Sa far independent

Vulais Vus fundar ina interpresa? Ils emprims pass ...

Planisar bain la partenza

Per avair ina buna partenza ston ins sclerir in pèr dumondas centralas (furma giuridica, plan da fatschenta e.u.v.). Il portal per interpresas pitschnas e mesaunas IPM dal Secretariat da stadi per l'economia SECO è in agid en quest connex.

Register da commerzi

Tut tenor la furma giuridica che Vus tschernis per Vossa interpresa èsi pussaivel, obligatoric u exclus da s'annunziar tar il register da commerzi.

L'inscripziun e l'examinaziun preliminara da las indicaziuns correspundentas vegnan fatgas da l'uffizi chantunal dal register da commerzi al lieu da domicil da l'interpresa.

Register da commerzi, Voss dretgs e Vossas obligaziuns

Uffizis chantunals dal register da commerzi

Uffizi federal da giustia – register da commerzi

Assicuranzas socialas

Persunas cun activitad da gudogn independenta ston er s'occupar dad assicuranzas. En il center stattan dus geners d'assicuranza: las assicuranzas socialas per sasez e per eventuals collavuraturs sco er las assicuranzas d'interpresa.

Detagls chattais Vus sin il portal per IPM dal SECO.

Taglias

Tut tenor la furma giuridica da la societad pajais Vus – sco persuna cun activitad da gudogn independenta – taglias sin las entradas e sin la facultad sco ina persuna natirala u taglias sin il chapital u sin la facultad sco ina persuna giuridica.

Taglia sin la plivalur (TPV)

Sche Vus faschais ina svieuta da passa 100'000 francs per onn, stuais Vus pajar la TPV. Senza vegnir intimads stuais Vus As annunziar entaifer 30 dis suenter il cumenzament da l'obligaziun da pajar taglia tar l'Administraziun federala da taglia AFT.

Sin la pagina d'internet da la AFT po vegnir chargià giu il formular d'annunzia. Explicaziuns davart la TPV, davart la deducziun da la taglia preliminara e davart las modas da rendaquint chattan ins medemamain sin il portal per IPM dal SECO.

S'annunziar per la TPV

Cun agid dal questiunari online da la AFT pudais Vus sclerir, sche Vossa interpresa è suttamessa a la taglia sin la plivalur. Eventualmain pudais Vus er gist far l'annunzia.

Infurmaziuns detagliadas davart la taglia sin la plivalur

Fundaziun d'interpresas tras burgais esters

Sustegn per fundar novas interpresas

Il servetsch online gratuit "StartBiz" dal SECO è in agid per s'annunziar tar ils suandants uffizis: register da commerzi, taglia sin la plivalur, AVS, AI, cumpensaziun dal gudogn CG ed assicuranza cunter accidents: