Las autoritads svizras online

directamain tar il cuntegn

Nua chat jau ina plazza en ina canorta d'uffants?

Limitas da vegliadetgna

En general pudais Vus assegnar Voss uffant ad ina canorta d'uffants suenter la fin dal congedi da maternitad.

Planisai a temp

Malgrà las stentas da vart publica, semipublica e privata èsi difficil da chattar plazzas da tgira per uffants pitschens. Per che Vus possias garantir ina plazza per Voss uffant stuais Vus As occupar a temp da quai. Il meglier prendais Vus per mauns questa chaussa gia a partir dals emprims mais da la gravidanza. Las glistas da spetga èn savens fitg lungas.

A tgi pudais Vus As drizzar?

Contactar Vossa vischnanca

Endatai il numer postal da Vossa vischnanca da domicil.

Federaziuns ed autras organisaziuns

Autras organisaziuns sco la federaziun kibesuisse (Federaziun svizra per la tgira d’uffants) ubain kinderkrippen-online pon er As infurmar davart la purschida da plazzas en canortas d'uffants e davart las tariffas. Questas tariffas pon variar da chantun a chantun sco er tut tenor Vossas entradas.

Kibesuisse

Kinderkrippen-Online

Canortas d'uffants d'interpresas

Tschertas interpresas han in'atgna canorta d'uffants. Dumandai a Voss patrun, sch'igl exista ina tala purschida e tge cundiziuns ch'i dat (uras da tgira, custs, limita da vegliadetgna e.u.v.). Mintgatant – premess natiralmain ch'i dettia plazzas libras – retschaivan talas canortas d'uffants er uffants da geniturs che na lavuran betg en l'interpresa. Vossa vischnanca po As infurmar en chaussa.