Las autoritads svizras online

directamain tar il cuntegn

Ir sur cunfin cun in auto ester

Persunas cun domicil en Svizra

Sche Vus vivais en Svizra ed emprestais sco persuna privata in auto ester, far p.pl attenziun als suandants puncts:

1. Il vehichel è annunzià en Svizra

  • Pensai da prender cun Vus il document dal vehichel, il permiss dad ir cun auto, il document da svapur, il triangul da panna e la vignetta.
  • Controllai Vossa segiranza: Per manischunz d’in auto ester datti segiranzas spezialas supplementaras a l‘assicuranza privata da responsabladad.

2. Il vehichel è annunzià a l’ester

En general n’astgan persunas che vivan a l’ester betg ir cun in auto ch’è registrà en Svizra. Uschespert ch’els van cun in tal auto, vala quel sco importà e duai vegnir declerà al duana.

Persunas cun domicil a l’ester

Ina persuna cun domicil en la UE na po betg duvrar in vehichel ch’è annunzià en Svizra sin territori da la UE. Sch’ina persuna domiciliada en la UE va en l’UE cun in auto emprestà d’ina Svizra o d’in Svizzer, po quai gia valair sco cuntrabanda d’autos. Decisivas èn dentant las prescripziuns da l’Uniun europeica.

Vus n’abitais betg en Svizra ed entrais cun in vehichel en Svizra? Ulteriuras infurmaziuns davart quest tema chattais Vus sin la pagina da ch.ch: “Entrar en Svizra cun in vehichel a motor".