En Svizra incasseschan la Confederaziun, ils chantuns e las vischnancas taglia. La Confederaziun incassescha la taglia federala directa tranter auter sin las entradas da persunas natiralas. Quant ch’ella importa dependa da Vossas entradas. La taglia federala directa s’augmenta procentualmain cun l’augment da Voss salari. Dapli che Vus gudagnais, e dapli taglia che Vus pajais procentualmain. La tariffa da taglia che Vala per Vus chattais Vus directamain en la lescha.
Calculatur online
Ils chantuns e las vischnancas incasseschan lur taglia tant sin las entradas sco er sin la facultad da las persunas privatas. Mintga chantun ha sias atgnas leschas da taglia e la chargia fiscala variescha da chantun a chantun e da vischnanca a vischnanca.
Tariffa da taglia e pe da taglia
Quants pertschient da Vossas entradas suttamessas a la taglia che Vus stuais pajar per la taglia chantunala e communala, dependa da la tariffa da taglia fixada en la lescha e dal pe da taglia che vegn fixà periodicamain. Pervia da differents pes da taglia communals datti aifer il medem chantun vischnancas cun tariffas da taglia favuraivlas e vischnancas cun tariffas main favuraivlas.
Ulteriuras explicaziuns, las glistas dals pes da taglia e da las tariffas da taglia sco er exempels da calculaziun chattais Vus tar l’Administraziun federala da taglia.
Calculatur online
Cun il calculatur da taglia da l’Administraziun federala da taglia ((LINK)) pudais Vus calcular a moda simpla l’import presumabel da Vossa taglia chantunala e federala e cumparegliar la taglia, las tariffas ed ils pes da taglia da differents chantuns e da differentas vischnancas. Er administraziuns chantunalas da taglia porschan tals calculaturs.
La taglia na vegn betg calculada sin basa da tut las entradas, mabain sin basa d’in import pli bass – las uschenumnadas entradas suttamessas a la taglia. Vus pudais deducir las contribuziuns socialas da Vossas entradas e far differentas ulteriuras deducziuns en Vossa decleraziun da taglia.
La taglia sin la facultad vegn medemamain calculada a maun da l’uschenumnada facultad suttamessa a la taglia. Er qua pudais Vus far deducziuns en la decleraziun da taglia.
Las administraziuns chantunalas da taglia calculeschan Vossa taglia a maun da Vossa decleraziun da taglia. Ils chantuns incasseschan tant la taglia federala sco er la taglia chantunala e communala. Il pajament è annual e succeda per regla en ratas. En cas da dumondas davart Voss quint da taglia u en cas da difficultads da pajament, pudais Vus As drizzar a l’Administraziun federala da taglia. Igl è pussaivel da pajar l’import da la taglia en ratas pli pitschnas u da prolungar il termin.
Administraziun federala da taglia – mussavia per futurs pajataglias (nizzaivel er per tut ils auters, danor sche Vus essas experta u expert da taglia)
Administraziun federala da taglia – noziuns da taglia (explicaziuns davart las tariffas da taglia, ils pes da taglia, la perioda da calculaziun/l’onn da taglia e.u.v.)
Administraziun federala da taglia – mappa da taglia (survistas naziunalas, Confederaziun/chantuns, davart differentas entradas e deducziuns)