Las autoritads svizras online

directamain tar il cuntegn

Natiralisaziun ordinaria

Procedura e durada da la natiralisaziun ordinaria

  • Tut tenor la regulaziun chantunala stuais Vus inoltrar la dumonda al chantun u a la vischnanca. Tgi ch'è cumpetent per Vus, pudais Vus eruir cun il link "Identifitgar e contactar l'autoritad cumpetenta" qua sutvart.
  • Suenter avair inoltrà la dumonda da natiralisaziun vegnis Vus envidads ad in discurs persunal, nua che Vus vegnis infurmads davart ils ulteriurs pass.
  • La procedura è fitg differenta, tut tenor la vischnanca u il chantun da domicil: Intginas vischnancas fan per exempel tests da natiralisaziun en scrit u a bucca, autras laschan votar la radunanza communala davart natiralisaziuns.
  • La durada da la procedura da natiralisaziun variescha fermamain da chantun a chantun. As infurmai per plaschair tar l'autoritad chantunala u communala cumpetenta.

Survista da la procedura da natiralisaziun

Retrair il formular da dumonda

Identifitgar e contactar l'autoritad cumpetenta

Midada da chasa durant la procedura da natiralisaziun

Sche Vus midais chasa durant la procedura, resta l’autoritad chantunala u communala, a la quala Vus avais inoltrà la dumonda, cumpetenta – premess che l’examinaziun da las cundiziuns da natiralisaziun saja terminada. As infurmai a temp tar Vossa vischnanca da domicil.

Taxas per la natiralisaziun ordinaria

Vischnanca* tranter 500 francs e 1000 francs per persuna
Chantun* fin a 2000 francs per persuna
Confederaziun
  • conjugals cun u senza uffants minorens: 150 francs
  • persunas singulas cun u senza uffants minorens: 100 francs
  • persunas minorennas singulas: 50 francs

*Questas taxas varieschan fermamain tut tenor il chantun e la vischnanca e represchentan ina media.

 Supplementarmain pon resultar custs per l'attest da domicil, per l'extract dal register penal, per l'extract dal register da scussiun e.u.v. As infurmai per plaschair tar l'autoritad cumpetenta.