Las autoritads svizras online

directamain tar il cuntegn

Maridar: La maridaglia civila

Per pudair maridar stuais Vus ademplir tschertas premissas ed inoltrar ina dumonda tar l'uffizi da stadi civil. Pir alura po avair lieu la maridaglia.

Premissas

Per dastgar maridar ston il spus e la spusa futura ademplir las suandantas premissas. Ella ed el èn:

  • pli veglia e pli vegl che 18 onns,
  • sch'ina da las duas persunas n'è betg burgaisa svizra, sto ella cumprovar fin a la maridaglia ch'ella dastga sa trategnair en Svizra.
  • sch'ina da las duas persunas n'è betg burgaisa svizra, sto ella cumprovar ch'ella dastga sa trategnair en Svizra fin a la maridaglia.

Motivs d'impediment

Vus na pudais betg maridar, sch'ina persuna:

  • è gia maridada u viva en partenadi registrà
  • n'è betg abla da giuditgar,
  • è stretgamain parenta cun sia partenaria u cun ses partenari,
  • sche la maridaglia serva a l'intent da guntgir las disposiziuns d'admissiun per persunas estras.

Inoltrar la dumonda

Per inoltrar la dumonda da maridaglia tar l'uffizi da stadi civil stuais Vus:

  • Emplenir il formular "Preparaziun da la maridaglia".
  • Dar giu – tut tenor la situaziun – differents documents.
  • Resguardai per plaschair las infurmaziuns da Voss uffizi da stadi civil.
  • Suenter la surdada dals documents stuais Vus confermar persunalmain tar
  • l'uffizi da stadi civil che Vus ademplis tut las premissas.L'uffizi da stadi civil controllescha alura la dumonda ed As communitgescha en scrit, sche la maridaglia è pussaivla.

La maridaglia civila

Tscherna da l'uffizi da stadi civil

Vulais Vus far la ceremonia en in auter uffizi da stadi civil che en quel da las preparaziuns? Alura survegnis Vus suenter ina procedura preliminara e cunter ina pitschna taxa in'autorisaziun correspundenta.

  • La maridaglia definitiva po avair lieu il pli baud 10 dis e maximalmain 3 mais suenter la terminaziun da la procedura da preparaziun da la lètg
  • Ella ha lieu en l'uffizi da stadi civil.
  • Ella è publica.
  • Duas perditgas maiorennas ed ablas da giuditgar ston esser preschentas.
  • La spusa ed il spus sco er las duas perditgas suttascrivan la conferma da matrinomi.
  • Els survegnan l'uschenumnà certificat da famiglia.

Adressas dals uffizis da stadi civil svizzers

Media dals custs

Las taxas da la maridaglia civila importan en Svizra tranter 300 e 400 francs. Giavischs spezials, sco per exempel la maridaglia ina sonda u en in local extern chaschunan ulteriurs custs.

Maridaglia en baselgia

Vus pudais er maridar en baselgia, ma pir suenter la maridaglia civila. As drizzai a l'uffizi parochial da Voss lieu da domicil.

Dumondas frequentas en connex cun la maridaglia

Tgi stoss jau infurmar?

La midada da Voss stadi civil stuais Vus communitgar a las autoritads, al patrun, a l'administraziun da taglia, a la banca, a las assicuranzas e.u.v. Er tar contracts novs sto vegnir inditgà il stadi civil nov.

Adattar ils documents

Sche Vus midais Voss num en consequenza da la maridaglia, stuais Vus renovar tranter auter ils suandants documents:

  • passaport e carta d'identitad
  • certificat da l'AVS
  • permiss da manischar e document dal vehichel
  • cartas da banca e da credit
  • attest d'origin.

Per regla emposta Vossa vischnanca da domicil sezza il nov attest d'origin tar l'uffizi da stadi civil da Vossa vischnanca burgaisa ed As trametta alura il quint da taxas per posta. Sche quai n'è betg il cas, stuais Vus empustar sez l'attest d'origin tar l'uffizi da stadi civil da Vossa vischnanca burgaisa e depositar tar la vischnanca da domicil.

Contactar Vossa vischnanca da domicil

Empustar l'attest d'origin

Far las midadas en il permiss da manischar