Las autoritads svizras online

directamain tar il cuntegn

Protecziun da la dunna en speranza a la plazza da lavur

Per dunnas en speranza valan mesiras da protecziun spezialas.

Protecziun da la sanadad

Il temp da lavur per di vegn limità a 9 uras, ed a partir da la 8avla emna avant la pagliola èsi scumandà da lavurar la notg. Ina protecziun exista er cunter lavurs stentusas e privlusas e cunter substanzas che donnegeschan la sanadad e.u.v.

Cuntinuaziun da la paja

Dunnas en speranza che lavuran survegnan – sco en cas da malsogna u d'accident – durant in temp limità lur paja, sch'ellas na pon betg ir a lavurar pervi da lur gravidanza.

Incapacitad da lavurar pervi da malsogna u gravidanza – dretgs ed obligaziuns

Protecziun cunter la desditga

Durant l'entira gravidanza sco er durant las emprimas 16 emnas suenter la naschientscha da l'uffant na po la relaziun da lavur betg vegnir schliada.

Broschura davart la protecziun da la maternitad a la plazza da lavur