Las autoritads svizras online

directamain tar il cuntegn

Scolaziun d'uffants cun in basegn da furmaziun spezial

En il rom da la scolaziun d'uffants e da giuvenils cun in basegn da furmaziun spezial datti mesiras concepidas spezialmain per ils basegns dals uffants e dals giuvenils pertutgads e che als stattan a disposiziun durant tut il temp da scola.

Integraziun en scola

Ils chantuns èn responsabels per tut il sectur specific, giuridic e finanzial da la scolaziun speziala d'uffants e da giuvenils sco er per las mesiras da la pedagogia speziala. Uffants e giuvenils cun in basegn da furmaziun spezial frequentan – sche pussaivel – la scola regulara ed èn integrads en la scola obligatorica precis sco tut ils auters uffants. Infurmaziuns en quest connex dattan las autoritads da scola da la vischnanca da domicil.

Scolas spezialas

Scolas spezialas èn spezialisadas per tschertas furmas d'impediment ubain per difficultads d'emprender e da cumportament. La scola speziala recepescha uffants e giuvenils che han il dretg da survegnir mesiras rinforzadas e che na pon betg vegnir integrads en la scola regulara.