Las autoritads svizras online

directamain tar il cuntegn

Emprendissadi u scola – co vinavant suenter la scola obligatorica?

Suenter avair frequentà la scola obligatorica, passan ils giuvenils al stgalim secundar II. Els ston decider, sch'els vulan far in emprendissadi (furmaziun fundamentala professiunala) u sch'els vulan frequentar ina scola da furmaziun generala sco in gimnasi u ina scola media spezialisada.

Scolaziuns da furmaziun professiunala

Suenter il stgalim secundar I sa decida la gronda part dals giuvenils per ina furmaziun fundamentala professiunala. L’emprendissadi po vegnir absolvì en in manaschi ubain en ina scola (a temp cumplain). La furmaziun fundamentala professiunala succeda per gronda part tenor in sistem dual: La furmaziun pratica professiunala en in manaschi d’emprendissadi vegn cumplettada cun l’instrucziun teoretica en ina scola professiunala spezialisada. En la vegliadetgna da 18/19 onns acquistan ils giuvenils in certificat final correspundent.

Adressas da la furmaziun professiunala e da la cussegliaziun professiunala

Glista da tut las professiuns renconuschidas

Maturitad professiunala d’orientaziun

Ina scolaziun fundamentala da trais u quatter onns pudais Vus er cumplettar cun ina maturitad professiunala reconuschida da la Confederaziun. Cun quella pudais Vus studegiar senza far in examen d’admissiun en ina scola auta professiunala.

Scolaziuns da furmaziun generala

Ils gimnasis e las scolas medias spezialisadas fan part dals studis da furmaziun generala. Els na qualifitgeschan betg per la professiun e preparan per studis a las scolas autas (stgalim terziar).

Maturitad gimnasiala

Scolas medias spezialisadas