Las autoritads svizras online

directamain tar il cuntegn

Divorzi e num

Tras il nov dretg dal num (dapi l'onn 2013) vegn simplifitgada la midada da num suenter il divorzi.

Suenter in divorzi salvan ils conjugals da princip il num ch'els han surpiglià tar la maridaglia.


Puspè surpigliar il num da nubil

Sche la dunna u l'um ha midà il num tar la maridaglia, po ella u el puspè surpigliar da tut temp il num da nubil suenter il divorzi. Per quest intent basta ina decleraziun a l'uffizi da stadi civil.

Tge succeda cun il num dals uffants?

Il divorzi dals geniturs n'ha naginas consequenzas per il num dals uffants. Il num da l'uffant po vegnir midà mo cun ina dumonda per midar il num, sch'i èn avant maun motivs respectabels.

Adressas dals uffizis da stadi civil

Sche Vus maridais puspè

  • Sche Vus maridais puspè, vala il princip general che l'um e la dunna salvan lur nums actuals, pia er in num or d'ina lètg anteriura.
  • In num che Vus avais surpiglià sco num da famiglia en ina lètg anteriura na pudais Vus betg tscherner sco num da famiglia cuminaivel.
  • Sco num da famiglia cuminaivel per la nova lètg pudais Vus mo tscherner tranter il num da nubil da la dunna u da l'um.