Dischoccupaziun d'in lavurant ester

Sco lavurant ester cun ina permissiun da dimora curta valaivla pudais Vus restar fin a 6 mais en Svizra. Quai As dat temp per tschertgar ina nova plazza. Per quai duvrais Vus ina permissiun da l'uffizi chantunal da migraziun.

Sche Vus vivais en Svizra, pia sche Vus avais ina permissiun da domicil u da dimora valaivla (vesair la survista tar dumondas da l'entrada e da la dimora en Svizra) ed ademplis las premissas, avais Vus il dretg da survegnir ina indemnisaziun da dischoccupaziun. Vossa naziunalitad na gioga nagina rolla en quest connex.

Sche Vus abitais a l’ester e lavurais en Svizra cun ina permissiun da cunfinari (visum categoria G), pajais Vus contribuziuns en Svizra. Sche Vus lavurais a temp reducì, survegnis Vus ina indemnisaziun da l’assicuranza da dischoccupaziun svizra. Sche Vus survegnis la desditga, avais Vus il dretg sin daners da dischoccupaziun en Voss stadi da domicil, pudais dentant profitar da l’intermediaziun da lavur publica en la Svizra. Perquai èsi d’annunziar tar il CIL (Center regiunal per intermediaziun da lavur) da la regiun, nua che Vus avais gì la davosa plazza.