directamain tar il cuntegn

Il salari da las parlamentarias e dals parlamentaris

Per lur lavur en ils cussegls federals vegnan remunerads ils commembers dal parlament da la Confederaziun.

La lescha prescriva ils suandant onurari per las parlamentarias ed ils parlamentaris:

  • entradas annualas per la preparaziun da la lavur en ils cussegls da 26’000 francs 
  •  pajament da diaria en il cussegl ed en las cumissiuns da 440 francs
  • indemnisaziun annuala per sortidas da persunal e material da 33’000 francs

Latiers vegnan las indemnisaziuns per il mangiar, per ils viadis e l’alloschament, per la cassa da pensiun ed ulteriurs imports per ils presidents dal cussegl ed da las cumissiuns. Ina part da las indemnisaziuns è liber da taglias.

Tut tenor il dumber da dis da sesida e tenor funcziun importan l’onurari e las spesas totalmain var 130’000 fin 150’000 francs per persuna.

Dal rest: Ils status da tschertas partidas prescrivan ch’ils commembers dal cussegl dettian ina part da lur indemnisaziun ch’els survegnan per lur lavur en il parlament a la partida. Per ulteriuras infurmaziuns contactai p.pl. directamain ils secretariats da las partidas.

Parlamentsressourcengesetz

Salaris d’autras activitads

Il parlament svizzer è in parlament da milissa. Quai vul dir ch’ils pli blers parlamentaris n’èn betg politicras u politichers da professiun ed han fan anc in’autra activitad da gudogn.