directamain tar il cuntegn

Finanziaziun da las partidas

Co vegnan finanziadas las partidas politicas?

En Svizra han las partidas politicas il status giuridic d'ina uniun. Perquai n'han ellas naginas finamiras da rendita. En Svizra n'existan sin plaun naziunal naginas basas giuridicas che reglan la finanziaziun da las partidas. Funtaunas d'entradas da las partidas èn en spezial:

  • las contribuziuns annualas da lur commembras e commembers;
  • donaziuns da persunas privatas;
  • la vendita da products e da servetschs;
  • las contribuziuns da las fracziuns;
  • las contribuziuns da commembras e commembers da partida che appartegnan ad in'executiva, ad in parlament, ad ina dretgira u ad in magistrat.

Nagina obligaziun da transparenza

En la gronda part dals chantuns n'èn las partidas betg obligadas d'inditgar danunder che lur entradas derivan. Intgins chantuns fan qua in'excepziun.

Groupe d'Etats contre la corruption

Il Groupe d'Etats contre la corruption (GRECO) pretenda ina clera regulaziun da la dumonda da la finanziaziun da las partidas. La Svizra è represchentada en il GRECO tras l'Uffizi federal da giustia.

Collavuraziun da la Svizra cun il GRECO
Groupe d'Etats contre la corruption (GRECO)