Las autoritads svizras online

directamain tar il cuntegn

Cura va mes uffant a scola?

Sco geniturs ponderais Vus cun quants onns che Voss uffant dastga ir a scolina respectivamain al stgalim d’entrada. Tut las infurmaziun davart la scolarisaziun en Svizra.

Vegliadetgna d'entrada

Il stgalim primar cumpiglia 8 onns. La scolina da 2 onns u il stgalim d’entrada furman l’emprima part dal stgalim primar. Ils chantuns fixeschan la vegliadetgna d'entrada. Sch'in uffant cuntanscha la vegliadetgna respectiva fin al di da referenza fixà, entra el en la scolina u en il stgalim d’entrada l'atun al cumenzament da l'onn da scola. Ils uffants han per regla 4 onns. Sch'ils geniturs tschentan ina dumonda correspundenta a l'autoritad da scola, poi vegnir examinà, sche l'uffant duai entrar pli baud u pli tard en scolina.

Giudicament "abel dad ir a scola"

Il temp ch'ils uffants dovran per absolver ils emprims onns da scola dependa da lur svilup e da lur madirezza.

Concretamain vegn giuditgà en Svizra tudestga per regla vers la fin da la scolina, sch'in uffant po midar a la scola primara ubain sch’el duai ir anc in onn pli ditg a scolina. En la Svizra franzosa ha in tal giudicament lieu per regla a la fin dal «cycle 1» u dal «cycle primaire 1» che dura quatter onns.

Per giuditgar l'abilitad dad ir a scola vegnan consultads las persunas d'instrucziun, ils geniturs sco er eventualmain il servetsch psicologic u il servetsch medical da la scola. La decisiun definitiva è chaussa da l'autoritad da surveglianza da scola u da la direcziun da la scola.

Il di da referenza è individual da chantun a chantun

Il di da referenza per la scolina u per il stgalim d’entrada è en 24 chantuns tranter il 1. d'avrigl ed ils 31 da fanadur. En 17 chantuns è il di da referenza ils 31 da fanadur.

Infurmaziuns davart il di da referenza e davart la vegliadetgna minimala d'entrar en scolina