Las autoritads svizras online

directamain tar il cuntegn

Assicuranza d'invaliditad (AI)

L'assicuranza d'invaliditad (AI) è in'assicuranza sociala obligatorica. La finamira è da reintegrar en il mund da lavur persunas, ch'èn daventadas incapablas da lavurar pervi d'ina malsogna. Sche quai n'è betg pussaivel, gida la AI cun rentas a segirar lur existenza.

Definiziun da l'invaliditad

Ina invaliditad è avant maun, sch'ina persuna è incapabla da lavurar (ubain mo parzialmain) pervi d'in donn da sanadad fisic, psichic u mental (sco consequenza d'in donn da naschientscha, d'ina malsogna u d'in accident), e quai per adina u per in temp pli lung. Ina invaliditad è er avant maun, sch'ina persuna n'è per ils medems motivs betg pli en cas da s'engaschar en ses champ d'incumbensas d'enfin ussa (p.ex. en il tegnairchasa).

Tgi è assicurà tar la AI?

Tut las persunas che vivan u lavuran en Svizra èn assicuradas obligatoricamain tar la AI. Burgaisas e burgais da la Svizra, da la UE u da la AECL che vivan ordaifer quests pajais pon s'assicurar facultativamain sut tschertas cundiziuns.

Infurmaziuns davart la participaziun voluntara a la AI

S'annunziar tar la AI

Per far diever da prestaziuns da la AI stuais Vus s'annunziar tar l'uffizi da la AI da Voss chantun da domicil. Ils formulars d'annunzia chattais Vus online (vesair il link qua sutvart) u tar l'uffizi da la AI. As annunziai uschè svelt sco pussaivel. Sche Vus As annunziais memia tard, ristgais Vus che las prestaziuns vegnian reducidas. L'uffizi da la AI ch'è cumpetent per Vus sclerescha alura, tge geners da prestaziuns che vegnan pajadas ed en tge summa.

Tut ils formulars d'annunzia per la AI

Uffizis chantunals da la AI

Infurmaziuns actualas davart la AI, tranter auter er davart la revisiun