Las autoritads svizras online

directamain tar il cuntegn

A tgi poss jau ma drizzar en cas d'ina adopziun?

In'adopziun è in project cumplex e la procedura dura savens ditg. Ella po durar da sis mais fin a set onns, tut tenor, sch'i sa tracta d'ina adopziun naziunala u d’ina adopziun internaziunala. Per che Vus possias proceder en ina moda uschè simpla sco pussaivel e per che Vus survegnias tut ils cussegls necessaris, As drizzais Vus il meglier a las autoritads cumpetentas e dumandais agid ad organisaziuns spezialisadas.

Confederaziun, chantuns e posts d'intermediaziun

In'autoritad centrala da la Confederaziun coordinescha ils fatgs d'adopziun en Svizra e procura per la represchentanza svizra en collavuraziun cun autoritads d’adopziun da l’exteriur.

Ils chantuns infurmeschan e cusseglian las burgaisas ed ils burgais davart il proceder en cas d'ina adopziun. Els sclereschan la qualificaziun dals geniturs adoptivs futurs, prendan tut las decisiuns impurtantas en connex cun l’adopziun e surveglian la famiglia adoptiva futura, uschespert che l’uffant è vegnì recepì dals geniturs adoptivs futurs.

La Confederaziun po permetter ad organisaziuns d’intermediar tranter ils geniturs adoptivs futurs d'ina vart e las autoritads e las organisaziuns d’intermediaziun da l'exteriur da l'autra vart. Quests posts d'intermediaziun pon pia gidar ils geniturs adoptivs futurs a cumpilar ils documents necessaris, contribuir ad ina procedura speditiva e dar adatg ch’il bain da l’uffant vegnia adina observà. Els n'han però nagina cumpetenza da decider

Indicaziuns davart l'autoritad centrala da la Confederaziun

Indicaziuns davart las autoritads centralas dals chantuns en ils fatgs d'adopziun

Posts d'intermediaziun ch'èn renconuschids en Svizra