Las autoritads svizras online

directamain tar il cuntegn

Adopziun d'in uffant: Premissas e procedura

L’adopziun è ina mesira per proteger l’uffant. In’adopziun po vegnir tratga en consideraziun mo, sch’igl è – resguardond tut las cundiziuns – da spetgar che la constituziun d’ina relaziun da figlialanza serva al bain da l’uffant senza avair consequenzas negativas per la situaziun d’auters uffants dals geniturs adoptivs.

Adopziun cuminaivla

Conjugals che vulan adoptar in uffant ston:

  • manar ina chasada cuminaivla almain 3 onns
  • avair almain 28 onns ed
  • esser almain 16 onns pli vegls che l'uffant.
  • na dastgan betg esser dapli che 45 onns pli vegls che l'uffant.

Adopziun tras ina persuna suletta

Ina persuna suletta che vul adoptar in uffant, sto:

  • avair almain 28 onns ed
  • esser almain 16 onns pli veglia che l'uffant.
  • na dastga betg esser dapli che 45 onns pli veglia che l'uffant.

Ella na dastga betg esser maridada. Sch'ella è maridada, è ina adopziun singula pussaivla mo, sch'ina adopziun cuminaivla è nunpussaivla. Infurmaziuns detagliadas en quest connex survegnis Vus tar l'Autoritad centrala per adopziuns da Voss chantun da domicil.

Autoritads centralas dals chantuns en ils fatgs d'adopziun

Adoptar l'uffant dal partenari / da la partenaria

Premissas generalas

Avant ch'ils geniturs adoptivs futurs survegnan la permissiun da recepir in uffant en lur tegnairchasa, vegn lur qualificaziun sclerida en moda cumplessiva. Els ston ultra da quai garantir ch'els s'occupan duraivlamain da l'uffant, ch'els procuran per ses mantegniment e ch'els pon garantir sia educaziun.

Sche l'uffant è abel da giuditgar (per regla a partir da 12 onns), sto el dar ses consentiment a l'adopziun.
Sch'i na sa tracta betg d'in uffant chattà, basegna l'adopziun da princip er il consentiment dals geniturs biologics da l'uffant. Quest consentiment na dastga dentant betg vegnir dà entaifer las emprimas 6 emnas suenter la naschientscha da l'uffant.

Dumonda d'adopziun

La dumonda d'adopziun sto vegnir inoltrada a l'autoritad centrala da Voss chantun da domicil ch'è cumpetenta per adopziuns.

Procedura en cas d'ina adopziun internaziunala