Las autoritads svizras online

directamain tar il cuntegn

Co poss jau adoptar l'uffant dal partenari / da la partenaria?

Premissas

Per che Vus possias adoptar l'uffant dal partenari / da la partenaria, stuais Vus ademplir obligatoricamain las suandantas premissas fundamentalas:

  • Vus stuais manar ina chasada cuminaivla almain 3 onns cun il bab resp. cun la mamma da l'uffant che Vus vulais adoptar.
  • Vus stuais esser almain 16 onns pli vegls che l'uffant.

Consentiment da l'auter genitur biologic

Da princip è necessari il consentiment da l'auter genitur biologic.

I po dentant vegnir destistì dal consentiment, sche quest genitur è nunenconuschent, absent cun ina dimora nunenconuschenta dapi passa 2 onns u permanentamain inabel da giuditgar.

Dumonda d'adopziun

La dumonda d'adopziun sto vegnir inoltrada a l'autoritad centrala ch'è cumpetenta per ils fatgs d'adopziun da quel chantun, en il qual Vus avais Voss domicil.