Sche Vossa absenza dura damain che 3 emnas, pudais Vus votar u eleger senza problems. Vus survegnis numnadamain il material da votar e d'eleger il pli baud 4 ed il pli tard 3 emnas avant la votaziun respectivamain avant l'elecziun. Uschia pudais Vus votar ed eleger per correspundenza anc avant Vossa absenza – ubain curt avant la votaziun u l'elecziun, cura che Vus essas puspè a chasa. Sche Vus essas preschenta u preschent la fin d'emna da votaziun u d'elecziun, pudais Vus natiralmain er votar ed eleger directamain a l'urna en il local da votaziun da Vossa vischnanca.
En cas d'absenzas pli lungas pudais Vus far la dumonda da survegnir il material da votar e d'eleger in pau pli baud. As infurmai per plaschair tar Vossa vischnanca davart ils detagls.
Loading...
Vus pudais er laschar sviar Vossa posta ed uschia er il material da votar e d'eleger. La Posta porscha quest servetsch cunter ina taxa. Sche Vus essas a l'exteriur, po quai dentant durar in temp, fin ch'il material da votar e d'eleger arriva tar Vus. Er dovri temp, fin che Voss cedels electorals e cedels da votar emplenids arrivan tar la vischnanca cumpetenta. Eventualmain èsi nunpussaivel da votar a temp davent da Voss lieu da dimora.