En tscherts chantuns datti ozendi urnas ambulantas. Tut las votantas ed ils votants pon far diever da questa pussaivladad. La purschida sa drizza dentant spezialmain a las persunas che na pon duraivlamain betg dar giu sezzas lur vusch en in local da votaziun, saja quai pervia d'in impediment u per auters motivs.
Las urnas vegnan installadas tenor in urari fix en las vischnancas ed er en ils ospitals ed en las chasas da persunas attempadas e da tgira. En intgins chantuns va ina persuna dal biro electoral sin dumonda tar persunas attempadas e tar persunas cun impediments a chasa per lur cedels electorals.
Sche Vus vulais savair dapli davart questas pussaivladads spezialas, As drizzai per plaschair a Vossa vischnanca.
- Nagins resultats
En intgins chantuns è pussaivla la votaziun tras represchentanza; quai vul dir che Vus pudais incumbensar in'autra persuna da bittar Voss cedel da votar en l'urna.
Attenziun: Emplenir il cedel da votar dastga in'autra persuna mo, sche Vus na savais betg scriver sezza u sez.
Sche Vus vulais savair dapli davart questas pussaivladads spezialas, As drizzai per plaschair a Vossa vischnanca.
- Nagins resultats