Tschertga

Al cuntegn
Siglia al cuntegn da la paginaSiglia a la navigaziunSiglia a la tscherna da la linguaSiglia a la tscherna da la linguaRespostas simplas davart la vita en Svizra
  • DE
  • FR
  • IT
  • RM
  • EN
Respostas simplas davart la vita en Svizra
  • Tut ils temas
  • Viagiar ed emigrar
  • Informaziuns utilas per viagiar
Tut ils temas
  • Viagiar ed emigrar
  • Informaziuns utilas per viagiar

Infurmaziuns utilas per viagiar

Mussavia per preparar Vossas vacanzas cun infurmaziuns davart il traffic en Svizra ed a l'exteriur.

Remartga

A l'exteriur è l'app «Travel Admin» utila. En cas d'ina crisa en Voss pajais da destinaziun As po il Departament d'affars exteriurs (DFAE) infurmar.
Tut ils temas
  • DE
  • FR
  • IT
  • RM
  • EN

Situaziun sin las vias en Svizra

I dat pliras pussaivladads per s'infurmar davart la situaziun sin las vias en Svizra.

  • En l'internet: Infurmaziuns davart il traffic sin la pagina d'internet dad RTR

  • En l'internet: Charta dal traffic sin la pagina d'internet dal TCS

  • Via Google: Maps

  • Via app: App dal TCS

  • Per telefon: numer 163 (betg gratuit)

  • Al radio: sin RTS

Pannas

En cas d'ina panna, pudais Vus dumandar da di e da notg il Servetsch da pannas per agid sin il numer da telefon 140 (20 raps per clom). Ils numers 117 (Polizia) e 144 (Centrala d'alarm sanitar) èn gratuits.
En Svizra datti plirs servetschs da pannas. Per pudair profitar da quests servetschs en cas d'ina panna, ston ins esser commembra u commember. I dat per exempel:

  • Il Touring Club Svizra TCS

  • La Associaziun traffic ed ambient ATA

  • Il Automobil Club da la Svizra ACS

Situaziun sin las vias a l'exteriur

Infurmaziuns davart la situaziun actuala sin las vias a l'exteriur, inclusiv infurmaziuns davart il traffic sin las autostradas.

  • Infurmaziuns davart il traffic en Frantscha.

  • Infurmaziuns davart il traffic en Germania, en Austria ed en Italia.

Dretgs da las passagieras e dals passagiers

Avais Vus in problem en connex cun Voss sgol? L'Uffizi federal da l'aviaziun civila (UFAC) As infurmescha davart:

  • nagin transport cun l'aviun, sgols annullads, retards

  • ils accidents d'aviun

  • ils dretgs da las persunas cun mobilitad restrenschida

  • ils pretschs dals sgols

Bagascha

Tge objects èsi scumandà da purtar cun sai en la bagascha da maun? E tgenins en la bagascha da consegna? Fegl d'infurmaziun concernent la bagascha da l'Uffizi federal d'aviatica civila (UFAC). Tscherts pajais e tschertas societads aviaticas èn pli strictas areguard la bagascha. As infurmai en cas da dubi tar Vossa societad aviatica avant la partenza.
È Vossa bagascha vegnida destruida, è ella ida a perder u arrivada cun retard? Sch'ina societad svizra u da l'Uniun europeica è responsabla per Voss sgol, pudais Vus pretender ina indemnisaziun. Infurmaziuns dal UFAC davart ils problems cun la bagascha sin viadis cun l'aviun.

Formalitads e segirezza a l'exteriur

Il Departament federal d'affars exteriurs (DFAE) metta a disposiziun ina glista cun recumandaziuns davart las mesiras che Vus stuais prender avant che Vus viagiais en in pajais a l'exteriur.
Sin la pagina d'internet dal DFAE chattais Vus er infurmaziuns davart la segirezza en ils differents pajais. Las recumandaziuns per las viagiaturas ed ils viagiaturs dattan scleriment davart las ristgas pussaivlas: revoltas politicas, criminalitad, privels natirals, access a provediment medicinal, e.u.v.
L’app Travel Admin è utila. Suenter che Vus l'avais chargiada giu, pudais Vus endatar Voss viadi en ella. En cas d'ina crisa en Voss pajais da destinaziun, po il DFAE As localisar ed As infurmar en chaussa.

Recumandaziuns medicinalas

Il Comité svizzer d'experts per la medischina da viadis dat recumandaziuns medicinalas che pon esser utilas avant, durant e suenter Voss viadi. Sin sia pagina d'internet chattais Vus er las recumandaziuns da vaccinaziun per mintga pajais.
Tge prestaziuns vegnan surpigliadas da las assicuranzas da malsauns en cas d'in viadi a l'exteriur? Las disposiziuns per cas da malsogna a l'exteriur sa chattan sin ch.ch.
Giais Vus en vacanzas e vulais Vus prender cun Vus Voss animal da cumpagnia? Sin la pagina d'internet da l'Uffizi federal da segirezza alimentara e fatgs veterinars (USAV) chattais Vus ina glista da controlla per las preparativas necessarias.
Sin la medema pagina dal USAV vegnis Vus a savair dapli davart las disposiziuns per passar il cunfin cun Voss chaun, cun Voss giat u cun Voss furet, mintgamai repartidas tenor il pajais d'origin u da destinaziun.

  • Infurmaziuns davart il traffic en l'internet sin las paginas dad RTR e dal TCS

  • Infurmaziuns dal UFAC concernent ils dretgs da las passagieras e dals passagiers sin viadis cun l'aviun.

  • Recumandaziuns per las viagiaturas ed ils viagiaturs sin la pagina d'internet dal DFAE

  • Recumandaziuns medicinalas sin healthytravel.ch

  • Infurmaziuns dal USAV per viagiar cun animals da cumpagnia

  • Broschura dal DFAE per preparar Voss viadi. Infurmaziuns davart l'agid da las ambassadas svizras e l'exteriur.

  • Infurmaziuns concernent il passaport e la carta d'identitad sin ch.ch.

Tut ils temas

In servetsch da la Confederaziun, dals chantuns e da las vischnancas

Davart ch.chInfurmaziuns giuridicas
Link YoutubeLink Twitter
VoteInfo