Tut las persunas che participeschan al traffic ston observar las reglas da traffic (Lescha davart il traffic sin via, art. 26 fin 57).
Autos, autos da furniziun e camiuns, autobus e motos ston ir cun glisch durant il di. Tgi che manischescha senza glisch sto quintar cun ina multa da 40 francs.
Er mopeds, e-bikes plauns e svelts sco er e-trottinets ston ir cun glisch durant il di. Tgi che manischescha senza glisch sto quintar cun ina multa da 20 francs. L’obligatori da glisch na vala betg per velos.
La glista da multas cuntegna tut las violaziuns da las reglas da traffic che vegnan chastiadas cun multas da fin maximalmain 300 francs. Qua ina survista.
Sche Vus na pajais betg multas che Vus avais survegnì a l’exteriur, ristgais Vus autas taxas d’admoniziun e problems, en cas che Vus vulais danovamain entrar en il pajais correspundent