L’assicuranza po scursanir prestaziuns en in tal cas e Vus stuais pajar il donn vi da Voss auto per part u cumplettamain sezza u sez. Er l’assicuranza da responsabladad, che paja per donns che Vus avais chaschunà vi d’autos esters, po prender regress sin Vus ed As metter a quint ina part dals custs.
Il profil da pneus dad auto (pneus da stad e d’enviern) sto avair ina grossezza d’almain 1,6 millimeters. In profil insuffizient po vegnir sancziunà cun ina multa da 100 francs per pneu. Sche Voss pneus èn isads uschè ferm che Vus essas in privel per auters, As po il permiss da manischar vegnir prendì davent per almain in mais.
Igl è recumandabel da midar ils pneus avant l’emprima naiv. Il meglier manischais Vus da l’october fin a Pasca cun pneus d’enviern.
Multas disciplinaras (glista da tut ils surpassaments da reglas da traffic che vegnan sancziunads cun multas da fin maximalmain 300 francs):