Il parlament ha 200 sezs en il Cussegl naziunal e 46 sezs en il Cussegl dals chantuns.
Cussegl naziunal
Ils sezs dal Cussegl naziunal vegnan repartids sin ils chantuns en la proporziun da lur populaziun. Quai vul dir: Dapli persunas che abitan en in chantun, e dapli sezs che quest chantun survegn en il Cussegl naziunal. Tar las elecziuns da l'onn 2023 han ils chantuns tranter 1 e 36 sezs. Mintga chantun ha en mintga cas almain 1 sez en il Cussegl naziunal.
Cussegl dals chantuns
En il Cussegl dals chantuns han 20 chantuns mintgamai 2 sezs. Ils chantuns Sursilvania, Sutsilvania, Appenzell Dadora, Appenzell Dadens, Basilea-Champagna e Basilea-Citad (anteriurs mezs chantuns) han il dretg da mo 1 sez. Questa differenza ha motivs istorics.
Per las elecziuns dal parlament dals 22 d'october 2023 survegn il chantun Turitg in sez dapli en il Cussegl naziunal che l'onn 2019. Percunter perda il chantun Basilea-Citad in sez cumpareglià cun l'onn 2019. Per ils auters chantuns na datti naginas midadas tar il dumber da sezs.
Argovia, Berna, Friburg, Genevra, Glaruna, Grischun, Giura, Lucerna, Neuchâtel, Schaffusa, Sviz, Soloturn, Son Gagl, Turgovia, Tessin, Uri, Vad, Vallais, Zug, Turitg.
Appenzell Dadens, Appenzell Dador, Basilea-Champagna, Basilea-Citad, Sursilvania, Sutsilvania.
Infurmaziuns detagliadas davart la repartiziun dals sezs tar las elecziuns federalas 2023 chattais Vus en la suandanta communicaziun a las medias: Elecziuns dal Cussegl naziunal 2023: midada da la repartiziun dals sezs sin ils chantuns.
Tar l'Uffizi federal da statistica pudais Vus consultar las cifras las pli impurtantas davart la populaziun en ils singuls chantuns.