Custs per la cassa da malsauns e reducziun da las premias

Tschertga

Al cuntegn
Siglia al cuntegn da la pagina Siglia a la navigaziun Siglia a la tscherna da la lingua Siglia a la tscherna da la lingua Respostas simplas davart la vita en Svizra
rm
Midar la lingua
Loading...
    Respostas simplas davart la vita en Svizra
    • Tut ils temas
    • Sanadad
    • Cassa da malsauns
    • Custs per la cassa da malsauns
    Tut ils temas
    Sanadad
    Cassa da malsauns
    Custs per la cassa da malsauns

    Custs per la cassa da malsauns

    Per bleras persunas èn ils custs per la cassa da malsauns gravants. Ma tgi che gudogna pauc, survegn ina reducziun da las premias. E cun tscherner la franschisa ed il model d’assicuranza èsi pussaivel da spargnar daners.

    Bun da savair

    Sche Vus essas sauna u saun, pudais Vus spargnar blers daners tar la premia da la cassa da malsauns cun la franschisa la pli auta. Ma Vus duessas lura metter da la vart 3200 francs per il cas che Vus vegnis malsauna u malsaun (2500 francs franschisa plus 700 francs resalva persunala).

    Tut ils temas

    Premias

    La premia da la cassa da malsauns è ina contribuziun d’assicuranza che Vus stuais pajar mintga mais a la cassa da malsauns.

    L’autezza da la premia dependa da la cassa da malsauns, tar la quala Vus essas assicurada u assicurà. Ina rolla gioga plinavant, tge model d’assicuranza e tge franschisa che Vus tschernis e nua che Vus abitais. Persunas creschidas fin 25 onns ed uffants pajan premias pli bassas a la cassa da malsauns.

    Franschisa

    La franschisa è l'import che Vus stuais pajar sezza u sez mintga onn per Voss custs da sanadad. Pir cur che la franschisa è duvrada si, surpiglia la cassa da malsauns ils custs.

    In exempel: Vus avais tschernì ina franschisa da 300 francs e stuais ir duas giadas tar la media u tar il medi. La media u il medi metta a quint mintgamai 200 francs per omaduas visitas. Lura pajais Vus sezza u sez l’emprim quint e 100 francs dal segund quint. La cassa da malsauns surpiglia 100 francs dal segund quint (minus la resalva persunala da 10 francs che Vus stuais er pajar, guardar il proxim chapitel) – e tut ils auters quints che resultan anc durant quest onn.

    Per persunas creschidas importa la franschisa la pli bassa 300 francs, la pli auta 2500 francs. Per uffants datti franschisas tranter 0 e 600 francs.

    Resalva persunala

    Uschespert che la franschisa è duvrada si, pajais Vus anc 10 pertschient da Voss custs da sanadad. Questa uschenumnada resalva persunala è limitada a 700 francs per onn (uffants 350 francs). Vus stuais pia As participar a Voss custs da sanadad maximalmain cun la franschisa tschernida plus 700 francs.

    La contribuziun a l’ospital

    La contribuziun a l’ospital stuais Vus pajar en cas che Vus essas a l’ospital. Ella importa 15 francs per di. Il motiv per questa contribuziun a l’ospital è, che Vus spargnais en l’ospital custs che Vus avessas a chasa (per exempel per il da mangiar u per l’electricitad). Uffants, persunas giuvnas creschidas en scolaziun e dunnas en speranza na pajan nagina contribuziun a l’ospital.

    Tgi che ha ina paja bassa u blers uffants, survegn eventualmain ina reducziun da la premia dal chantun. En blers chantuns infurmescha l’administraziun las persunas pertutgadas. En auters chantuns ston ins dumandar mintga onn sezza u sez la reducziun. Per detagls contactai per plaschair il post correspundent da Voss chantun.

    Vus avais differentas pussaivladads per spargnar custs tar la premia:

    • Vus tschernis ina cassa da malsauns cun premias bassas.

    • Vus tschernis in model da medis da chasa u in auter model d’assicuranza cun ina premia bassa.

    • Vus tschernis in’auta franschisa e survegnis in rabat da premia.

    • En cas che Vus essas engaschada u engaschà per dapli che otg uras per emna, essas Vus assicurada u assicurà obligatoricamain cunter accidents. Pia na stuais Vus betg As assicurar anc ina giada cunter accidents tar la cassa obligatorica da malsauns.

    • Reducziun da las premias – posts cumpetents dals chantuns

    • Spargnar tar l’assicuranza da basa

    • Franschisa, resalva persunala, contribuziun a l’ospital en detagl

    • Midar u disdir ina cassa da malsauns

    • Prestaziuns da la cassa da malsauns

    • Calculader da premias

    • Brevs da model

    • Assicuranza d’accidents

    In servetsch da la Confederaziun, dals chantuns e da las vischnancas

    Davart ch.ch Contact
    Link Youtube Link Twitter
    Infurmaziuns giuridicas
    Tut ils temas
    In servetsch da la Confederaziun, dals chantuns e da las vischnancas
    Davart ch.ch Contact
    Link Youtube Link Twitter
    Infurmaziuns giuridicas
    Link Youtube Link Twitter