Sche Vus essas emploiada u emploià, è Voss patrun obligà d’As assicurar tar in’assicuranza d’accidents. La premia d’assicuranza vegn deducida da Vossa paja. Quai vala er per persunas che lavuran a chasa sco er per emprendistas ed emprendists.
Sche Vus essas assicurada u assicurà cumplainamain cunter accidents sur Voss patrun, As recumandain nus d’annullar la garanzia dals custs d’accident cuntegnida en Vossa cassa da malsauns (assicuranza da basa), per uschia spargnar premias. Sche Vus essas annunziada u annunzià sco dischoccupada u dischoccupà, essas Vus assicurada u assicurà automaticamain tar l’Institut svizzer d’assicuranza d’accidents (Suva). La premia d’assicuranza vegn deducida dals daners da dischoccupaziun.
Sche Vus lavurais independentamain, pudais Vus far sezza u sez in’assicuranza d’accidents.
En tut ils auters cas n’essas Vus betg assicurada u assicurà tar l’assicuranza d’accidents. La ristga d’accidents vegn dentant pajada da l’assicuranza da malsauns obligatorica (assicuranza da basa). Quai vala per exempel per chasarinas, uffants, studentas e students e per persunas pensiunadas. Examinai Vossa polissa da la cassa da malsauns.
Custs medicinals
Diaria / pajament cuntinuà da la paja
Autras contribuziuns da l’assicuranza d’accidents
L’Uffizi federal da sanadad publica porscha ina survista da las infurmaziuns davart l’assicuranza d’accidents.
La Suva As infurmescha davart l’assicuranza d’accidents per persunas dischoccupadas.
Cun EasyGov pon las patrunas ed ils patruns d'interpresas pitschnas e mesaunas far e transmetter la decleraziun annuala da paja da lur collavuraturas e collavuraturs al Suva. EasyGov.swiss – Il spurtegl online per interpresas.