Tschertga

Al cuntegn
Siglia al cuntegn da la paginaSiglia a la navigaziunSiglia a la tscherna da la linguaSiglia a la tscherna da la linguaRespostas simplas davart la vita en Svizra
  • DE
  • FR
  • IT
  • RM
  • EN
Respostas simplas davart la vita en Svizra
  • Tut ils temas
  • Lavur
  • Temp da lavur
  • Lavur reducida
Tut ils temas
  • Lavur
  • Temp da lavur
  • Lavur reducida

Lavur reducida

Sche Vossa interpresa è temporarmain en ina situaziun difficila, pudais Vus reducir u interrumper dal tuttafatg la lavur en il manaschi senza relaschar Vossas collavuraturas e Voss collavuraturs.

Tut ils temas
  • DE
  • FR
  • IT
  • RM
  • EN
Cun la lavur reducida duai en emprima lingia vegnir impedì che Vus stoppias relaschar Vossas collavuraturas e Voss collavuraturs pervia d’ina curta interrupziun da la lavur che na po betg vegnir evitada.
L’assicuranza cunter la dischoccupaziun (AD) paja, durant in tschert temp, ina part dals custs dals patruns, sche lur lavurantas e lavurants èn pertutgads d'ina reducziun dal temp da lavur. Sche la lavur en Vossa interpresa sto pia vegnir interrutta u reducida temporarmain per raschuns economicas, pervia da mesiras pronunziadas da las autoritads u per auters motivs independents da la voluntad dal patrun – entant ch’ils contracts da lavur restan en vigur – pudais Vus far ina dumonda per indemnisaziuns per lavur reducida, quai cun emplenir il formular da preannunzia.

Nua e co?

L’emprim stuais Vus As drizzar a l’autoritad responsabla dal chantun, nua che Vossa interpresa è domiciliada.
L’autoritad responsabla As metta a disposiziun il formular per preannunziar la lavur reducida. Empleni quest formular ed al returnai a l’autoritad. Vus chattais tut ils formulars sin arbeit.swiss. Vus pudais er far diever da l’eService sin www.job-room.ch per trametter il formular da preannunzia a l’autoritad chantunala cumpetenta.
Las emploiadas ed ils emploiads ston esser d’accord da far lavur reducida. La patruna u il patrun sto preliminarmain dumandar il consentiment da las emploiadas e dals emploiads ed al sto confermar a chaschun da la preannunzia.

Cura?

Vus stuais preannunziar la lavur reducida planisada almain 10 dis avant il cumenzament da quella.
Il termin d’annunzia importa excepziunalmain 3 dis, sche Vus pudais cumprovar che la lavur reducida stoppia vegnir introducida a fitg curta vista pervia da circumstanzas nunspetgadas e betg previsiblas.
Sche Vus essas sfurzada u sfurzà da prolungar la lavur reducida gia concedida, stuais Vus inoltrar ina nova preannunzia almain 10 dis avant che la concessiun scada.

Indemnisaziun e paja

  • L’indemnisaziun importa 80 pertschient da la perdita da gudogn, quai vul dir 80 pertschient da la perdita temporara da lavur.

  • La patruna u il patrun po reducir la paja per la lavur reducida sin 80% e sto pajar la paja netta il di da pajament usità.

  • Per quella part da la lavur, per la quala la lavur reducida na vegn betg introducida, paja la patruna u il patrun il salari.

  • La cassa da dischoccupaziun recumpensescha supplementarmain las contribuziuns da las emploiadas e dals emploiads per AVS/AI/UCG ed AD per la lavur reducida

  • Emploiadas ed emploiads che lavuran entaifer il termin da disditga han dretg sin lur paja cumpletta.

  • Persunas cun in engaschament sin dumonda ed in pensum fitg variabel n’obtegnan nagina indemnisaziun per lavur reducida.

  • Persunas en emprendissadi sco er persunas cun lavur temporara n’obtegnan nagina indemnisaziun per lavur reducida ed han dretg sin lur paja cumpletta.

  • Emploiadas ed emploiads che n’èn betg d’accord cun la lavur reducida han dretg sin lur paja cumpletta.

Indemnisaziun ed assicuranzas socialas

La lavur reducida n’ha nagina influenza sin las contribuziuns a las assicuranzas socialas sco AVS/AI/UCG, assicuranza cunter la dischoccupaziun, assicuranza d’accidents e cassa da pensiun: tant la patruna u il patrun sco er las emploiadas ed ils emploiads ston pajar vinavant las contribuziuns cumplainas. E la paja usitada da las emploiadas e dals emploiads è assicurada.
L’indemnisaziun per lavur reducida duai da princip evitar disditgas e mantegnair relaziuns da lavur.
Tuttina han tant la patruna u il patrun sco la persuna emploiada il dretg da disdir il contract da lavur durant la lavur reducida. En omadus cas (disditga inoltrada da la persuna emploiada u da la patruna u dal patrun) na po dentant nagina indemnisaziun per lavur reducida vegnir fatga valaivla.
Ulteriuras infurmaziuns chattais sin la pagina d’internet arbeit.swiss.
Tut ils temas

In servetsch da la Confederaziun, dals chantuns e da las vischnancas

Davart ch.chInfurmaziuns giuridicas
Link YoutubeLink Twitter
VoteInfo