Sche Vus avais la naziunalitad svizra, pudais Vus As participar a las votaziuns ed a las elecziuns a partir da 18 onns (vegliadetgna da maiorennitad en Svizra).
Sche Vus abitais en il chantun Glaruna, pudais Vus votar a partir da 16 onns. Però mo sin plaun chantunal e communal.
Infurmaziuns pli detagliadas chattais Vus sin la pagina davart il dretg da votar e d'eleger.
Sche Vus avais Voss domicil en Svizra, na stuais Vus betg As annunziar per As participar a las elecziuns ed a las votaziuns federalas. Uschespert che Vus ademplis las cundiziuns dal dretg da votar, vegnis Vus automaticamain inscritta u inscrit en il register electoral da Vossa vischnanca da domicil en Svizra.
Sche Vus n'avais betg retschavì il material da votar trais emnas avant ina votaziun federala, contactai Vossa vischnanca.
- Nagins resultats
Sche Vus avais Voss domicil a l'exteriur, stuais Vus As annunziar tar Vossa represchentanza svizra cumpetenta ed As laschar inscriver en il register da Vossa ultima vischnanca da domicil. Infurmaziuns pli detagliadas davart quest tema chattais Vus sin la pagina davart il dretg da votar e d'eleger.
Ch.ch As dat las infurmaziuns las pli impurtantas davart il dretg da votar e d'eleger
Las datas da contact da las represchentanzas svizras a l'exteriur chattais Vus online.
Ch.ch porscha in portal spezial per las elecziuns federalas.
Ils chantuns Giura e Neuchâtel concedan dretgs da votar sin plaun chantunal a las persunas estras.
L'Uffizi federal da statistica metta a disposiziun chartas davart il dretg da votar da las persunas estras en Svizra sin nivel chantunal e communal.