En bunamain tut ils stadis dal mund dovran persunas estras ina permissiun da lavurar, sch'ellas vulan cumenzar in'activitad da gudogn. Ina tala permissiun vegn per regla concedida mo, sch'igl è avant maun in contract da lavur e sche la patruna u il patrun po cumprovar che naginas forzas da lavur indigenas n'èn disponiblas.
Il Departament federal d'affars exteriurs (DFAE) dat infurmaziuns utilas a burgaisas svizras ed a burgais svizzers per tschertgar ina plazza ed ina lavur a l'exteriur.
Grazia a las cunvegnas bilateralas tranter la Svizra e la UE han las burgaisas svizras ed ils burgais svizzers il dretg da viagiar en ils stadis da la UE/AECL e da pratitgar là ina professiun sco er da viver là permanentamain. Per survegnir infurmaziuns davart la procedura pudais Vus As drizzar en Svizra a l'ambassada u al consulat da Voss pajais da destinaziun.
Infurmaziuns èn er cuntegnidas sin la pagina d'internet dal DFAE sut la rubrica «Freizügigkeit im Personenverkehr».
La rait EURES (European Employment Services) da la Cumissiun europeica facilitescha la mobilitad da lavurantas e lavurants entaifer la UE/AECL. Il portal EURES porscha plazzas libras ch'èn publitgadas en tut ils stadis da la UE/AECL. Las cussegliadras ed ils cussegliaders dad EURES dattan er tips per metter ensemen in dossier da candidatura tenor las usanzas da Voss pajais da destinaziun. Infurmaziuns dal Secretariat da stadi per l'economia davart la mobilitad professiunala en la UE/AECL.
Assicuranzas socialas
Sche Vus lavurais a l'exteriur per ina patruna svizra u in patrun svizzer, pudais Vus restar assicurada u assicurà tar la cassa da cumpensaziun da la AVS, quai dentant sut tschertas cundiziuns. Quellas dependan dal pajais da destinaziun. L'Uffizi federal d'assicuranzas socialas declera las cundiziuns specificas.
Assicuranza da malsauns
Sche Vus bandunais la Svizra, stuais Vus per regla pajar taglia en Voss pajais ospitant. En tschertas situaziuns ston ins er vinavant pajar taglia en Svizra. Per exempel, sche Vus avais immobiglias u vaglias en Svizra. Er sche Vus lavurais da temp en temp en Svizra, stuais Vus eventualmain pajar taglia en Svizra. La Svizra ha fatg cunvegnas davart l'imposiziun dubla da taglia, per che Vus na stoppias betg pajar dublamain taglia.
Sche Vus bandunais la Svizra, stuais Vus per regla pajar taglia en Voss pajais ospitant. En tschertas situaziuns ston ins er vinavant pajar taglia en Svizra. Per exempel, sche Vus avais immobiglias u vaglias en Svizra. Er sche Vus lavurais da temp en temp en Svizra, stuais Vus eventualmain pajar taglia en Svizra. La Svizra ha fatg cunvegnas davart l'imposiziun dubla da taglia, per che Vus na stoppias betg pajar dublamain taglia.
Infurmaziuns da ch.ch per ir a star a l'exteriur, incl. modalitads per la cassa da malsauns
Infurmaziuns dal DFAE davart la lavur a l'exteriur
Infurmaziuns da SwissCommunity davart la lavur a l'exteriur
Lavurantas e lavurants tramess en in pajais: assicuranza sociala e cassa da malsauns
Il DFAE metta a disposiziun dossiers davart il tema «Viver e lavurar a l'exteriur» cun infurmaziuns utilas davart ils pajais da destinaziun ils pli impurtants
Il Secretariat da stadi per dumondas finanzialas internaziunalas è responsabel per dumondas davart l'imposiziun dubla da taglia
Swissnex procura per raits internaziunals da la Svizra en dumondas da l'innovaziun (perscrutaziun, art, start-ups, interpresas)