Vulessas Vus viver in tschert temp a l'exteriur per emprender ina lingua u per absolver là ina part da Voss studi? Il Departament federal d'affars exteriurs (DFAE) As mussa, co che Vus chattais ina scola da lingua. Legiai er il mussavia dal DFAE; el As mussa a tge che Vus avais da pensar.
La concessiun d'in stipendi u d'autras contribuziuns da scolaziun è chaussa dals chantuns. Vus savais segiramain che Vus pudais dumandar agid finanzial er da fundaziuns privatas u da fonds privats.
Vulessas Vus lavurar a l'exteriur sco au-pair? Il mussavia dal DFAE As gida da chattar ina plazza e cuntegna infurmaziuns utilas p.ex. davart il contract da lavur u davart il salari.
La Svizra ha concludì cun differents stadis cunvegnas da stagiarias e stagiaris. Lavurantas giuvnas e lavurants giuvens pon schlargiar lur enconuschientschas professiunalas e linguisticas cun far in stage a l’ester.
Vus partis per in tschert temp a l’exteriur? Il mussavia «Auslandaufenthalt» dal DFAE As infurmescha davart las disposiziuns che vus duessas resguardar sco burgaisa svizra u burgais svizzer.