Las autoritads svizras online

directamain tar il cuntegn

Rendaquint da la taglia sin la plivalur

La taglia sin la plivalur influenzescha Vossa contabilitad e po vegnir inoltrada sco suonda:

  • Rendaquint effectiv  (declerar la svieuta tenor la tariffa previsa da la lescha e declerar la taglia preliminara): Vus stuais inoltrar in rendaquint mintga quartal.
  • Rendaquint cun agid da tariffas da taglia da saldo: Vus stuais declerar Vossa svieuta (incl. la taglia sin la plivalur che vegn messa a quint a Vossa clientella) e la multiplitgar cun la tariffa da taglia da saldo che vegn permessa da l'Administraziun federala da taglia (AFT). La taglia preliminara vegn pia deducida en moda pauschala e na sto betg vegnir eruida.

Inoltrai senza vegnir intimà il formular da rendaquint entaifer 60 dis suenter che la perioda da rendaquint è terminada e pajai a medem temp il debit da taglia. Sche Vus avais in dabun envers la AFT en ina perioda da rendaquint, As vegnan restituids ils daners entaifer 60 dis suenter ch'il formular da rendaquint è entrà.

Entaifer tge perioda che la taglia e la taglia preliminara ston vegnir decleradas, dependa dal gener da rendaquint che Vus tschernis. Da princip sa tracti dal rendaquint tenor las indemnisaziuns fixadas. Decisivas en quest rom èn il mument da la facturaziun resp. la retschavida dal quint. Ma Vus pudais er inoltrar la dumonda da pudair far il rendaquint tenor las indemnisaziuns retschavidas: En quest cas ston la taglia e la taglia preliminara vegnir decleradas entaifer la perioda, durant la quala il quint vegn pajà. Questa tscherna stuais Vus resguardar durant almain ina perioda da taglia (onn chalendar).

Taglia sin la plivalur: Survista da termins e da scadenzas: