Las autoritads svizras online

directamain tar il cuntegn

Taxaziun d'iertas

La taglia sin l'ierta sto vegnir pajada da quellas persunas che survegnan l'ierta (ertavels u legataris). La basa da calculaziun è la valur da la facultad surdada. Donaziuns d'objects persunals e da rauba da chasa na vegnan betg suttamessas a la taglia.

Per regla na ston conjugals e persunas en partenadi registrà che ertan in da l'auter, sco er ils descendents, ils uffants confidads u ils uffants da tgira betg pajar ina taglia sin l'ierta.

Sch'i vegn incassada ina taglia, dependa ses import per il solit da l'autezza da l'augment da facultad sco er dal grad da parentella che l'ertavel aveva cun la persuna defuncta. Pli datiers che l'ertavel è parent e pli pitschna che la tariffa da taglia è.

Per infurmaziuns davart la taglia sin l'ierta As drizzai a l'uffizi chantunal da taglia da l'ultim domicil da la persuna defuncta. Per immobiglias As drizzai a quella vischnanca, nua che l'immobiglia sa chatta.

Autoritads da taglia dals chantuns – taglia sin l'ierta

Per il transferiment d'immobiglias sto per regla vegnir pajada ina taglia sin midada da proprietad.