Las autoritads svizras online

directamain tar il cuntegn

Tariffas da taglia en Svizra

Taglias federalas

Da las persunas privatas vegn incassada la taglia federala directa sin las entradas. Ella vegn taxada ed incassada dals chantuns a favur da la Confederaziun.

Taglias chantunalas

Ils chantuns pon concepir libramain lur tariffas da taglia. Els èn autorisads d'incassar quella taglia che la Confederaziun na pretenda betg exclusivamain per sai. Pervi da quai èn las leschas da taglia e las grevezzas fiscalas fitg differentas da chantun a chantun.

Tariffa da taglia da Voss chantun da domicil

Taglias communalas

Las taglias communalas sa basan sin las legislaziuns chantunalas da taglia. Las vischnancas fixeschan dentant sezzas lur tariffas da taglia.