Ils umens svizzers pajan la taxa d’exemziun dal servetsch militar, sch’els na fan betg servetsch militar u servetsch civil. Tgi ch’ha in grev impediment, na sto betg pajar.
Il pli baud a partir da l’onn, en il qual ins cumplenescha 19 onns. Maximalmain enfin l’onn, en il qual ins cumplenescha 37 onns. La taxa d’exemziun dal servetsch militar sto vegnir pajada durant 11 onns. Il cumenzament dependa da l’onn da la recrutaziun. Ils umens che fan protecziun civila, cumenzan a pajar quel onn, cura ch’els fan lur instrucziun da basa.
La taxa correspunda a 3 pertschient da las entradas nettas annualas, dentant almain 400 francs per onn. Per umens che fan protecziun civila, vegn la taxa d’exemziun dal servetsch militar reducida per mintga di da servetsch ch’els prestan per onn, per 4 pertschient.