Las autoritads svizras online

directamain tar il cuntegn

Taglia sin l'alcohol e sin il tubac

Taglia sin l'alcohol

Suttamess a la taglia vegnan spirituosas naziunalas, vinars ed aperitivs e.u.v. sco er l'alcohol ferm che vegn duvrà en l'industria. Sin ils products importads vegnan incassadas uschenumnadas taxas da monopol.

Betg pertutgads da la lescha d'alcohol n'èn ils products fermentads classics sco biera u tscherts vins. Dentant incassescha l'Administraziun federala da duana ina taglia sin la biera.

Taglia sin il tubac

Suttamess a questa taglia èn ils fabricats da tubac pronts per l'utilisaziun che vegnan producids professiunalmain en Svizra sco er ils fabricats da tubac importads e products da substituziun.

Per ils fabricats da tubac che vegnan producids en Svizra è il producent obligà da pajar taglia, per ils fabricats da tubac importads èn quai ils debiturs da dazis.

La tariffa da taglia actuala per la taglia sin il tubac po vegnir consultada tar l'Administraziun federala da duana.