Las autoritads svizras online

directamain tar il cuntegn

Taglia a la funtauna

Las entradas da las persunas emploiadas estras èn suttamessas a la taglia a la funtauna. Persunas estras ch'èn domiciliadas en Svizra e che possedan ina permissiun da domicil (legitimaziun C) decleran lur entradas e lur facultad percunter cun la decleraziun da taglia normala.

La taglia a la funtauna è ina taglia che vegn deducida directamain da las entradas. Ella sto vegnir pajada da persunas che:

  • han lur domicil fiscal en Svizra, ma na possedan betg anc la permissiun da domicil (legitimaziun C) u
  • n'han betg in domicil fiscal en Svizra per lur entradas (pendularis, dimorants durant l'emna, referents, sportists, artists e.u.v.).

La facturaziun vegn per regla fatga da la patruna u dal patrun.

Sche las entradas surpassan ina tscherta limita, vegn fatga – per las persunas emploiadas estras cun domicil fiscal en Svizra – ina taxaziun ordinaria posteriura da tut las entradas e da l'entira facultad. Tar la Confederaziun e tar bunamain tut ils chantuns importa questa limita 120'000 francs.

Las tariffas da la taglia a la funtauna variescha da chantun a chantun. Ulteriuras infurmaziuns davart la calculaziun da la taglia a la funtauna e davart las persunas ch'èn obligadas da pajar questa taglia survegn ins tar las administraziuns chantunalas da taglia.

Taglia a la funtauna tar las administraziuns chantunalas da taglia