Las autoritads svizras online

directamain tar il cuntegn

Taglia sin il gudogn tras la vendita da bains immobigliars

Vus avais vendì Vossa chasa cun gudogn. Quest gudogn è suttamess a la taglia.

Possessurs privats vendan ina chasa u in toc terren savens cun gudogn. Tut ils chantuns suttamettan quest gudogn a la taglia. Normalmain incasseschan ils chantuns sezs questa taglia, en in pèr chantuns er las vischnancas. En ils chantuns ZG e ZH èn quai mo las vischnancas.
La Confederaziun na suttametta betg a la taglia il gudogn da la vendita privata da bains immobigliars.  

Il vendider paja la taglia, betg il cumprader. L'autezza dependa per il solit da la summa dal gudogn che resulta tras la vendita sco er da la durada dal possess.

Reducziun

Cumprais Vus cun il retgav puspè in'atgna chasa u in'atgna abitaziun?
Alura vegn il pajament da la taglia sin il gudogn suspendì almain fin ina tscherta autezza. Quella dependa da la part dal retgav che Vus investis en la nova atgna chasa u abitaziun.

Calculaziun

L'uffizi da taglia calculescha la taglia. Dal retgav da vendita vegn subtrahà il pretsch da cumpra oriund. Vitiers vegnan ulteriuras deducziuns.

Taglia sin la midada da proprietad

Ultra da la taglia sin il gudogn tras la vendita da bains immobigliars incassescha la gronda part dals chantuns la taglia sin midada da proprietad.

Savair dapli

En tge chantun sa chatta Vossa immobiglia? As drizzai per plaschair a l'uffizi da taglia da quest chantun.

Autoritads da taglia dals chantuns – taglia sin il gudogn tras la vendita da bains immobigliars