Las autoritads svizras online

directamain tar il cuntegn

Surpassaments da sveltezza

Limitas da sveltezza

Sin l'autostrada valan en general 120 km/h, sin autovias 100 km/h, sin vias principalas e lateralas ordaifer ils abitadis 80 km/h ed entaifer ils abitadis 50 km/h. I pon vegnir signalisadas er sveltezzas pli bassas. Uschia po vegnir signalisà tempo 80 u 60 sin tscherts tocs da l’autostrada (traffic surchargià, autas valurs da substanzas nuschaivlas, plazzals etc.). Entaifer ils vitgs datti zonas da tempo 30 sco er zonas d'inscunter (tempo 20).

Tgi che charrescha memia svelt, sto far quint cun las suandantas multas e cun ils suandants chastis:

Surpassament

entaifer in

vitg (50 km/h)

ordaifer in

vitg (80 km/h)

autostrada

(120 km/h)

per 1-5 km/h 40.-  40.-  20.-
per 6-10 km/h 120.-  100.-  60.-
per 11-15 km/h 250.-  160.-  120.-
per 16-20 km/h accusaziun  240.-  180.-
per 21-25 km/h accusaziun  accusaziun  260.-
sur 25 km/h accusaziun  accusaziun  accusaziun

Toleranzas – deducziun da segirezza tar mesiraziun da la sveltezza

Tar ina controlla vegn deducida ina marscha da segirezza da la sveltezza mesirada. Las cifras exactas chattais Vus en l'art. 8 da l'Ordinaziun dal UVIAS tar l'Ordinaziun davart la controlla dal traffic sin via

Admoniziun e privaziun dal permiss da manischar

En cas da surpassaments massivs èn previsas supplementarmain anc las suandantas mesiras administrativas:

Entaifer in vitg surpassament per 16-20 km/h avertiment
  surpassament per 21-24 km/h retratga dal permiss da manischar per 1 mais (almain)
  surpassament per 25 km/h e dapli retratga dal permiss da manischar per 3 mais (almain)
Ordaifer in vitg surpassament per 21-25 km/h avertiment
  surpassament per 26-29 km/h retratga dal permiss da manischar per 1 mais (almain)
  surpassament per 30 km/h e dapli retratga dal permiss da manischar per 3 mais (almain)
Autostrada surpassament per 26-30 km/h avertiment
  surpassament per 31-34 km/h retratga dal permiss da manischar per 1 mais (almain)
  surpassament per 35 km/h e dapli retratga dal permiss da manischar per 3 mais (almain)


Surpassaments da sveltezza sur 25 km/h entaifer in vitg, sur 30 km/h ordaifer in vitg e sur 35 km/h sin l'autostrada vegnan inscrits en il register penal e figureschan sin l'extract dal register penal per in tschert temp.

Cas da repetiziun

En cas da repetiziun ston ins far quint cun ina retratga che dura cleramain pli ditg. En cas d'in surpassament excessiv da sveltezza vegn il permiss da manischar retratg per regla preventivamain per ina durada illimitada fin che eventuals motivs d'exclusiun èn sclerids. Ultra da quai vegn l'abilitad da manischar da la persuna pertutgada sclerida cun in'expertisa psicologica che affirmescha l'abilitad per il traffic.