Separaziun da las pussanzas

Tschertga

Al cuntegn
Siglia al cuntegn da la pagina Siglia a la navigaziun Siglia a la tscherna da la lingua Siglia a la tscherna da la lingua Respostas simplas davart la vita en Svizra
rm
Midar la lingua
Loading...
    Respostas simplas davart la vita en Svizra
    • Tut ils temas
    • Sistem politic
    • Funcziunament ed organisaziun da la Svizra
    • Separaziun da las pussanzas
    Tut ils temas
    Sistem politic
    Funcziunament ed organisaziun da la Svizra
    Separaziun da las pussanzas

    La separaziun da las pussanzas

    En Svizra è la pussanza dal stadi repartida sin la legislativa, l’executiva e la giudicativa. Questa separaziun è vegnida constituida durant la furmaziun da la Confederaziun l’onn 1848 per evitar la concentraziun da la pussanza tar singulas persunas u instituziuns.

    Remartga

    Tut ils temas

    En Svizra datti trais pussanzas differentas: la pussanza executiva, la legislativa e la giudicativa. Questa separaziun exista a tuts stgalims dal stadi (Confederaziun, chantun, vischnanca). Ella impedescha l’abus da pussanza. Ina persuna po appartegnair a medem temp be ad ina da las trais pussanzas (al medem stgalim statal).

    Il Cussegl federal è la regenza da la Svizra. El dirigia ils affars currents e metta en la pratica las leschas approvadas dal parlament. Mintgin dals set commembras e commembers dal Cussegl federal dirigia in departament. Cun la Chanzlia federala furman ils set departaments l’administraziun federala.

    Il Parlament svizzer consista da duas chombras:

    • il Cussegl naziunal cun 200 commembras e commembers. Il dumber da sezs vegn attribuì a mintga chantun proporziunalmain a basa da la populaziun. Mintga chantun ha il dretg sin almain in sez.

    • il Cussegl dals chantuns cun 46 commembras e commembers. Mintga chantun ha dus sezs (ils anteriurs mezs chantuns han be in).

    Ils dus cussegls èn eguals e furman ensemen l’Assamblea federala. Il Parlament svizzer elavura las leschas e surveglia la gestiun dal Cussegl federal e dal Tribunal federal. Las commembras ed ils commembers dal Parlament vegnan elegids dal pievel.

    Il Tribunal federal è il tribunal suprem da la Svizra. Quel surveglia l’applicaziun unifurma dal dretg e protegia ils dretgs da las burgaisas e dals burgais. Plinavant giuditgescha el sco autoritad suprema las dispitas giuridicas tranter burgaisas u burgais ed il stadi sco era tranter la Confederaziun ed ils chantuns.

    La separaziun da la legislativa, da l'executiva e da la giudicativa na vala betg mo sin plaun federal, mabain er sin plaun chantunal e communal. Er qua duai vegnir impedida la concentraziun da la pussanza tar singulas persunas u instituziuns e duai vegnir evità l'abus da la pussanza.

    • Tge fa la regenza chantunala?

    • Tge fa il parlament chantunal?

    • Las dretgiras da la Svizra

    In servetsch da la Confederaziun, dals chantuns e da las vischnancas

    Davart ch.ch Infurmaziuns giuridicas
    Link Youtube Link Twitter
    VoteInfo
    Tut ils temas
    In servetsch da la Confederaziun, dals chantuns e da las vischnancas
    Davart ch.ch Infurmaziuns giuridicas
    Link Youtube Link Twitter
    VoteInfo
    Link Youtube Link Twitter