Tschertga

Al cuntegn
Siglia al cuntegn da la paginaSiglia a la navigaziunSiglia a la tscherna da la linguaSiglia a la tscherna da la linguaRespostas simplas davart la vita en Svizra
  • DE
  • FR
  • IT
  • RM
  • EN
Respostas simplas davart la vita en Svizra
  • Tut ils temas
  • Sistem politic
  • Funcziunament ed organisaziun da la Svizra
  • Dretgiras
Tut ils temas
  • Sistem politic
  • Funcziunament ed organisaziun da la Svizra
  • Dretgiras

Las dretgiras da la Svizra

Il Tribunal federal represchenta – sper l'Assamblea federala (legislativa) ed il Cussegl federal (executiva) – la forza giudiziala (giudicativa). El procura che las leschas vegnian applitgadas correctamain e che las persunas che cuntrafan a las leschas vegnian chastiadas. 

Tut ils temas
  • DE
  • FR
  • IT
  • RM
  • EN
Sin plaun federal represchenta il Tribunal federal la giudicativa: El è la dretgira suprema da la Svizra. Ultra da quai existan sin plaun federal il Tribunal penal federal, il Tribunal administrativ federal ed il Tribunal federal da patentas.

Il Tribunal federal

Il Tribunal federal è l'autoritad giudiziala suprema da la Svizra. El giuditgescha sco ultima instanza tut ils recurs cunter sentenzias da las dretgiras chantunalas supremas, dal Tribunal penal federal, dal Tribunal administrativ federal e dal Tribunal federal da patentas. Cun sias sentenzias procura il Tribu­nal federal ch'il dretg federal vegnia applitgà correctamain en il cas singul e ch'ils dretgs constituziunals da las burgaisas e dals burgais vegnian protegids.
Il Tribunal federal

Il Tribunal penal federal

La gronda part dals cas penals vegnan decidids en em­prima instanza da las dretgiras chantunalas. Il Tribunal penal federal giuditgescha delicts cunter ils interess da la Confederaziun, delicts cun materias explosivas, cas transcunfinals da criminalitad economica, criminalitad organisada, corrupziun e lavada da daners sco er delicts che han in connex cun l'aviatica u cun mate­rial da guerra.
Il Tribunal penal federal

Il Tribunal administrativ federal

Il Tribunal administrativ federal deci­da davart recurs cunter ordinaziuns da las autoritads fede­ra­las. Las dumon­das te­ma­ti­sa­das èn per part socialmain u politicamain cuntraversas, per exempel en connex cun decisiuns da princip en il dretg d'asil ed en cas da gronds projects da traffic u d'infrastructura.
Il Tribunal administrativ federal

Il Tribunal federal da patentas

Invenziuns tecnicas, da las qualas il svilup cha­schu­na savens gronds custs, vegnan protegidas cun patentas ed èn uschia in bain giuridic prezius. Il Tribunal federal da patentas decida en cas da dispita, sche la protecziun tras ina patenta po vegnir pretendida per in nov svilup tecnic e sche dretgs da patenta èn vegnids violads. Il Tribunal federal da patentas decida per exempel er, tgi ch'è la possessura legala u il possessur legal d'ina pa­ten­ta u co ch'ina patenta dastga vegnir duvrada en il rom d'ina licenza.
Il Tribunal federal da patentas
Mintga chantun ha sias atgnas dretgiras. Ellas giuditgeschan en emprima instanza ils cas che pertutgan l'agen territori chantunal.
Las dretgiras chantunalas
Tut ils temas

In servetsch da la Confederaziun, dals chantuns e da las vischnancas

Davart ch.chInfurmaziuns giuridicas
Link YoutubeLink Twitter
VoteInfo